O informe baséase en datos oficiais do Ministerio de Emprego e Seguridade Social e na Enquisa sobre uso das TIC e comercio electrónico nas empresas, realizada polo INE e facilitada polo IGE no marco do convenio con AMTEGA.
Conectividade e presenza online
Máis do 80% dos autónomos/as dispoñen de conexión fixa a internet, con alta velocidade (superior a 100 Mbps no 70,3% dos casos). O 21,1% conta con páxina web, o 12,3% realiza vendas online e o 9,1% paga por anunciarse por internet, cifras que amosan unha tendencia positiva cara á dixitalización comercial.
Tecnoloxías Disruptivas
O uso de intelixencia artificial (3,7%), analítica de datos (4,3%) e cloud computing (5%) segue sendo limitado entre os autónomos galegos. Estes datos evidencian unha oportunidade para fomentar a adopción de tecnoloxías disruptivas que melloren a competitividade dos negocios.
Seguridade TIC
Só o 4,5% dos autónomos/as sufriron incidentes de seguridade TIC, case sempre por fallos de software ou hardware, aínda que menos da metade aplica medidas preventivas como contrasinais fortes ou copias de seguridade.
Retos e Oportunidades
O informe destaca a necesidade de reforzar a formación e apoio en tecnoloxías disruptivas, especialmente en IA e seguridade TIC. Tamén se observa uso significativo de medios sociais (30,5%) e publicidade online (9,1%), o que abre novas vías de promoción e comercialización para os negocios autónomos.
