- Preto do 16% das empresas de máis de 10 traballadores empregan esta tecnoloxía
- Crece un 4% a presenza de especialistas TIC no tecido produtivo galego, que é o noveno a nivel estatal na contratación destes perfís
- As empresas galegas incrementan nun 23% o gasto en seguridade, que se sitúa en preto dos 126 millóns de euros
- O 30,9% de las empresas galegas de máis de 9 traballadores permite o teletraballo
As empresas galegas que empregan Intelixencia artificial son xa o 15,7%, tras experimentar un crecemento do 51,1% no último ano. Crece tamén o uso do Cloud Computing, que pasou do 31,5% ao 38,2% no mesmo período de tempo. Son datos da enquisa sobre “O uso das TIC e do Comercio electrónico nas empresas 2024/2025”, publicada hoxe polo Instituto Nacional de Estatística (INE), e que constatan o crecemento sostido das tecnoloxías innovadoras no tecido produtivo galego.
Outro dos indicadores do grao de dixitalización das empresas galegas é a incorporación dos especialistas TIC. O 13,1% das empresas de máis de 10 empregados conta con este perfil profesional, un 4% máis no último ano, o que a converte a Galicia na novena Comunidade Autónoma con máis proporción de especialistas TIC no tecido empresarial.
A enquisa do INE apunta, tamén, a un maior gasto en ciberseguridade por parte das empresas galegas. o último ano os recursos destinados á seguridade TIC en Galicia achegáronse aos 126 millóns de euros, o que supón un crecemento do 23,6%, case o dobre que media estatal.
Por outra banda, o 30,9% de las empresas galegas de 10 ou máis traballadores permite o teletraballo e o 65,3% utilizan medios sociais na rede, o que as sitúa no oitavo lugar estatal.
O 85% das grandes empresas galegas dispoñen de páxina web. A maioría contan con descrición dos seus produtos e servizos (84,6%), e o 16% permite facer perdidos e reservas.
A maioría das empresas galegas de 10 e máis empregados usan o Software libre co 82,5%, superando en máis dun punto media estatal. Delas, o 93,6% dispón de navegadores de código aberto, o 71,4% de aplicación ofimáticas, o 49,2% de sistemas operativos e o 45,6% software de seguridade.
As microempresas
O 75,2% das microempresas galegas ten conexión a internet, e destas, o 79,1% dispón de banda larga móbil, 3G ou superior. Das que acceden á rede, o 33,3% empregan medios/redes sociais con fins empresariais
Ademais, o 33,7% das empresas de menos de 10 traballadores ten páxina web.
