Buscador

O Informe Económico e Sectorial publicado pola CMT estima que a facturación do sector das telecomunicacións no conxunto do Estado acadou os 37.950 millóns de euros durante o ano 2011, un 4,6% menos que no exercicio anterior. Este dato contrasta co aumento nun 23,5% dos ingresos derivados dos servizos de banda larga móbil, que facturou 2.420 millóns de euros no 2011, cun total de 19,3 millóns de liñas (41,8 liñas por cada 100 habitantes).

O INE achega os principais resultados do estudo sobre os indicadores do sector TIC do ano 2010, conformado polas industrias manufactureiras e de servizos que teñen como actividade principal o desenvolvemento, produción, comercialización e uso intensivo das Tecnoloxías da Información e a Comunicación.

Os datos económicos do sector TIC para o ano 2010 facilitados polo INE indican que o número de empresas incrementouse nun 3,3% dende 2009, o que supón 1.373 entidades máis durante este período. A cifra de negocios reduciuse un 0,7%, situándose no 2010 en 91.427 millóns de euros.

O estudo elaborado por infoempleo.com, coa colaboración de Adecco, recoñece que un 80% dos responsables de selección entrevistados consultou nalgunha ocasión a actividade dos candidatos nas redes sociais, pero só o 14% afirma que tivera en conta esa información para escoller finalmente ao seu empregado. Neste senso, un 20% das compañías enquisadas recoñece destinar parte do seu orzamento ao recrutamento a través das redes sociais.

O sector de tecnoloxías da información (TI) reduciu a súa facturación un 2,1% en 2011, até alcanzar un volume de 17.725 millóns de euros, fronte a lixeira recuperación que se produciu en 2010 e volvendo así aos niveis de 2007, segundo desvélase dos datos presentados pola Asociación de Empresas de Electrónica, Tecnoloxías da Información, Telecomunicacións e Contidos Dixitais (Ametic).