Balance económico da industria do videoxogo en 2010

Data: 
31/03/2011

En concreto, segundo os datos de aDeSe, o consumo de software no mercado supuxo 631 millóns de euros, o hardware 489 millóns de euros e os periféricos e accesorios 125 millons de euros.
En relación co número de unidades vendidas, o mercado español alcanzou a cifra de 17.894.000 unidades de software, 5.884.000 en periféricos e accesorios e 2.352.000 consolas. En total, 26.130.000 unidades, o que supón un -2,94% respecto de 2009.
Este leve retroceso tamén se reflectiu nos datos de investimento publicitario 2010. Durante o pasado exercicio o investimento da industria do videoxogo en soportes publicitarios foi de 172.893.832 euros (-4,3% respecto de 2009).
A pesar deste descenso, o mercado español sitúase por baixo da “caída” media rexistrada en Europa, (-6,65% nos segmentos de software e hardware), o que, segundo as empresas do sector, dalle un maior valor, tendo en conta ademais a actual situación da economía española e que o Estado español é lider en descargas a nivel mundial.
En total, o consumo nos principais mercados europeos do software e hardware de entretemento -Reino Unido, Francia, Alemaña, España, Italia, Holanda Alemaña, Bélxica e Portugal- acadou un valor de 10.991 millóns de euros, unha cifra un 6,65% menor á rexistrada en 2009 (11.774 millóns de euros ).
Atendendo aos principais segmentos de consumo (Hardware e software, agás periféricos), a cifra de consumo do mercado español en 2010 foi de 1.120 millóns de euros. Reino Unido, Francia, Alemaña e España encabezan o ranking de consumo tanto en valor como en número de unidades.
Mercado do software (Consola +PC)
No que respecta ao valor do consumo de software por plataforma, PS3 (34,54%), Wii (25,67%), Nintendo Ds (11,09%) XBox360 (10,45%) e PSP (6,97%) repartíronse a maioría do mercado no Estado español. Pola súa banda, os xogos para PC acapararon o 6,97%.
O mesmo ranking mantense en canto a unidades vendidas. Así, PS3 (24,41%) e Wii (21,51%) ocuparon os dous primeiros postos, seguidos de Nintendo Ds (15,53%), PC (12,2%) e PSP (9,66%) e Xbox 360 (8,46%).
Mercado do software para consola
Segundo os datos extraídos da análise do mercado do software para consola, obsérvase que os títulos do Top 10 de vendas representaron o 12,08% do mercado.
En canto ao xénero, resulta significativo o feito de que en 2010 produciuse un notable crecemento no sector dos xogos tradicionais -a única categoría de xogo que rexistrou cifras de crecemento positivas-. Os xogos “tradicionais”, tendo en conta o número de unidades vendidas, acapararon en 2010 o 79,3% do mercado, seguidos dos xogos sociais 11,8%, os xogos de simulación 4,1%, saúde 2,5% e desenvolvemento intelectual 2,1%.
Se realizamos unha análise máis exhaustiva sobre a categoría de xogos en función do xénero, podemos observar as seguintes tendencias de mercado. Dentro dos xogos tradicionais, os xogos máis vendidos en función do número de unidades en 2010 foron os de Rally (36,5%).
No caso dos xogos de desenvolvemento intelectual, en 2010 o 73% das vendas en número de unidades concentrouse nos xogos deseñados para o desenvolvemento de habilidades mentais.
En relación aos xogos sociais, a clasificación das vendas en función do número de unidades vendidas mostra unha leve caída dos xogos de cantar e os de instrumentos musicais.Por outra banda, no apartado de xogos de simulación social, en 2010 o mercado estivo dominado polos xogos de simulación de estilos de vida.
Software para PC e hardware
Para PC, os videoxogos máis vendidos en función do xénero foron os de aventura cun 19,1% do mercado, estratexia cun 18,9% e acción co 15,9%
No relativo ao consumo hardware, dos 489 millóns de euros recadados, 322 millóns proviñeron do consumo de consolas de sobremesa e 167 millóns de euros de consolas portátiles. En relación ao número de unidades vendidas (2.352.000), 1.342.000 corresponderon a consolas de sobremesa e 1.010.000 a consolas portátiles.